ტავ ჯორჯიასა და ესპანურ „Vueling Airlines“ შორის მოლაპარაკებები მიმდინარეობს

TAV Airports ჰოლდინგსა და ესპანურ ავიაკომპანია „Vueling Airlines“ სამწლიანი მოლაპარაკებების მორიგი ეტაპი საქართველოში, ტავ ჯორჯიას ხელმძღვანელობასთან გრძელდება. „Vueling Airlines“ -ის ქართული საავიაციო ბაზრით დაინტერესება TAV Airports -ის მიერ წინასწარ შემუშავებული სტრატეგიის შედეგია. ესპანური დაბალბიუჯეტიანი ავიაკომპანია TAV – ის მიერ ოპერირებად აეროპორტებში, მათ შორის თბილისის, სკოპიეს, ანკარას, იზმირის და ბოდრუმის საერთაშორისო აეროპორტებში, რეისების დაწყებას მხოლოდ ერთდროულად, წარმატებული მოლაპარაკებების შემთხვევაში გეგმავს. ესპანური „Vueling Airlines“ 2004 წელს დაარსდა. ევროპაში ერთ-ერთი უმსხვილესი დაბალბიუჯეტიანი ავიაკომპანია მსოფლიოს 163 მიმართულებით ასრულებს რეისებს.