"ეგეოსის ავიახაზებმა" თბილისის მიმართულებით პირველი რეისი შეასრულა

„ეგეოსის ავიახაზებმა“ თბილისის მიმართულებით პირველი რეისი შეასრულა
თბილისის საერთაშორისო აეროპორტმა, კიდევ ერთ ევროპულ ავიაკომპანიას უმასპინძლა. 11 ივნისს, დილის 04:25 საათზე უმსხვილესმა ბერძნულმა ავიაგადამზიდმა „ეგეოსის ავიახაზებმა“ თბილისში პირველი მგზავრები ჩამოიყვანა.

„ეგეოსის ავიახაზები“ ათენიდან თბილისის მიმართულებით რეგულარულ რეისებს, კვირაში 2- ჯერ, ორშაბათს და ხუთშაბათს ათენის საერთაშორისო აეროპორტიდან, ეარბას 320-ის ტიპი თვითმფრინავით შეს
„ჩვენ მოხარული ვართ, რომ საბერძნეთში არსებული მძიმე ეკონომიკური კრიზისის მიუხედავად,“ეგეოსის ავიახაზებმა“ მაინც გადაწყვიტა ქართულ ავიაბაზარზე შემოსვლა.

დარწმუნებული ვარ, რომ რეგულარული რეისი ათენი-თბილისის მიმართულებით ძალაინ გაახარებს იმ ათასობით ქართველს, რომლებიც დროებით ცხოვრობენ და მუშაობენ საბერძნეთში. ვიმედოვნებთ, რომ ორ ქვეყანას შორის პირდაპირი რეისით ბერძენი ტურისტებიც აქტიურად დაინტერესდებიან .“ განაცხადა „ტავ ჯორჯიას“ გენერალურმა მენეჯერმა მეთე ერქალმა.

„ეგეოსის ავიახაზები“, რომლის ავიაპარკი 29 თანამედროვე ავიაგადამზიდისგან შედგება, მგზავრებს საბერძნეთის დედაქალაქიდან 15 ადგილობრივ და 21-ზე მეტ საერთაშორისო მიმართულებას სთავაზობს, ევროპასა და აზიაში.
2012 წელი „ტავ ჯორჯიამ“ წარმატებით დაიწყო. თებერვალში თბილისის საერთაშორისო აეროპორტმა მსოფლიოში საუკეთესო, 5 ვარსკვლავიან ავიაკომპანიას „ყატარის ავიახაზებს“ უმასპინძლა. აპრილიდან ტალინი-თბილისის მიმართულებით, რეგულარულ რეისებს ასრულებს ესტონეთის ნაციონალური გადამზიდი „ესტონეთის ავიახაზები.“ ქართულ ავიაბაზარზე ზაფხულის სეზონის განმავლობაში „ეგეოსის ავიახაზების “ გარდა,იტალიის უმსხვილესი ავიაგადამზიდის - „ალიტალიას“ შემოსვლაც იგეგმება.