თბილისის აეროპორტში რეისებს ერაყული ავიაკომპანია Al Naser Airlines შეასრულებს

კიდევ ერთი ახალი ავიაკომპანია, რომელიც ზაფხულის სეზონის განმავლობაში თბილისის საერთაშორისო აეროპორტში რეგულარულ რეიებს შეასრულებს. ერაყული Al Naser Airlines-სი თბილისიდან ერთდროულად სამი მიმართულებით იფრენს. ნაჯაფი-თბილისის, ბასრა-თბილისისა და ბაღდადი-თბილისის მიმართულებით რეისები, კვირაში 5-ჯერ დღის საათებში შესრულდება და მგზავრებს MD-82 ტიპის ავიახომალდი მოემსახურება. პირველი რეისი ნაჯაფიდან გუშინ საღამოს ჩამოფრინდა და თბილისის საერთაშორისო აეროპორში ავიაკომპანიის მენეჯმენტი ჩამოიყვანა. დღეს 11 საათზე ავიაკომპანია რეისს კიდევ ერთი ახალი, თბილისი-ბასრას მიმართულებით შეასრულებს. Al Naser Airlines-სი ახლად შექმნილი ავიაკომპანიაა და ის ერაყის ისტორიაში, პირველ კერძო ავიაკომპანიას წარმოადგენს. Al Naser Airlines-სი ახორციელებს როგორც ადგილობრივ რეისებს ერაყის ტერიტორიაზე, ასევე საერთაშორისო ფრენებს არაბული ქვეყნებისა და შორეული აღმოსავლეთის ქვეყნების მიმართულებით. შეგახსენებთ, რომ ზაფხულის სეზონის განმავლობაში, ზემოთ აღნიშნული ავიაკომპანიის გარდა, თბილისის აეროპორტში რეგულარული ფრენები დაიწყო უკრაინულმა Aironix Airlines-მა და ებრაულმა Israir Airlines-მა.