ახალი ქართული დაბალბიუჯეტიანი ავიაკომპანია თბილისის საერთაშორისო აეროპორტში

ახალი ქართული დაბალბიუჯეტიანი ავიაკომპანია თბილისის საერთაშორისო აეროპორტში 2014 წლის 4 აგვისტოდან კვირაში ორჯერ: ორშაბათსა და ხუთშაბათს, თბილისი-თეირანის მიმართულებით ფრენებს ახალი ქართული ავიაკომპანია „Flyvista” შეასრულებს. „მოხარული ვარ,რომ თბილისის საერთაშორისო აეროპორტიდან მგზავრებს თეირანის მიმართულებით ახალი ქართული ავიაკომპანია „Flyvista“ მოემსახურება. ეს უკანასკნელი შემოდგომიდან თბილისი-კიევი-თბილისის მიმართულებით განახორციელებს რეისებს. ჩვენ დარწმუნებულები ვართ, რომ მსგავსი სიახლე თბილისის საერთაშორისო აეროპორტის მგზავრების რაოდენობას მნიშვნელოვნად გაზრდის. „ტავ ჯორჯია“, როგორც თბილისისა და ბათუმის საერთაშორისო აეროპორტების მმართველი კომპანია, მზად არის მხარი დაუჭიროს ახალ ადგილობრივ ავიაკომპანიას, მისი წარმატებული ოპერირებისათვის. “ - განაცხადა „ტავ ჯორჯია“-ს გენერალურმა მენეჯერმა მეთე ერქალმა. „მოხარული ვარ გაცნობოთ „Flyvista”-ს ფრენების ოპერირების დაწყების შესახებ. ბაზრის კვლევა ცხადყოფს, რომ არსებობს საკმარისი მგზავრთა ნაკადი საქართველოსა და მეზობელი ქვეყნების მარშრუტით და ასევე თბილისი- თეირანის მიმართულებით. დარწმუნებული ვარ, რომ მეგობრული და კონკურენტუნარიანი მოგზაურობის ალტერნატივა ხელს შეუწყობს ტურისტულ საქმიანობას საქართველოში“ -აცხადებს „ Flyvista“-ს აღმასრულებელი დირექტორი გრეგორი პომერანცევი.