ახალი მიმართულება თბილისის საერთაშორისო აეროპორტში

2 ივნისიდან, ყაზახური ავიაკომპანია „Air Astana“ თბილისის საერთაშორისო აეროპორტში ახალი, დამატებითი მიმართულებით, ასტანა-თბილისი-ასტანა, იფრენს. პირდაპირი რეისები, ყაზახეთის დედაქალაქიდან თბილისის მიმართულებით, Embraer E-190 ტიპის ავიახომალდით კვირაში ორჯერ - სამშაბათსა და შაბათს შესრულდება. „Air Astana“, რომელიც ქართულ ავიაბაზარზე 2011 წელს შემოვიდა, თბილისის საერთაშორისო აეროპორტიდან ალმა-ატას მიმართულებით პირდაპირ რეისებს კვირაში 5ჯერ ასრულებს. აღსანიშნავია, რომ თბილისში ოპერირების პერიოდში, „Air Astana“-ს მგზავრთა რაოდენობამ 120,000-ს გადააჭარბა. ყაზახური ავიაკომპანია „Air Astana“ 2002 წელს დაფუძნდა და ამჟამად ავიაკომპანია 30მდე ავიახომალდით, მსოფლიოს 25 მიმართულებით დაფრინავს. დღეისათვის „Air Astana“-ს ავიაპარკი 30 Boeing 767-300ER, Boeing 757-200, Airbus A320 და Embraer E-190 ტიპის ავიახომალდისაგან შედგება.