"ტავ ჯორჯიამ" ბავშვებს წითელი ჯვრის საერთაშორისო დღე მიულოცა

11 მაისს, „ტავ ჯორჯიას“ წარმომადგენლებმა და საქართველოს წითელი ჯვრის საზოგადოების მოხალისეებმა, წითელი ჯვრის კვირეულის ფარგლებში, ლეიკემიით დაავადებული ბავშვები მოინახულეს და მათ სამახსოვრო საჩუქრები გადასცეს. მ.იაშვილის სახელობის ბავშვთა ცენტრალურ საავადმყოფოს ბავშვების გასახალისებლად, ჯამბაზიც ესტუმრა და მათ მინი წარმოდგენა მოუწყო. 28 ბავშვს, რომლებიც ლეიკემიის ცენტრში რეაბილიტაციის კურსს გადიან „ტავ ჯორჯიას“ წარმომადგენლებმა საჩუქრები და ტკბილეული გადასცეს და მათ წითელი ჯვრის საერთაშორისო დღე მიულოცეს. მსგავსი ღონისძიებები წითელი ჯვრის საერთაშორისო დღის აღსანიშნავად მთელი მსოფლიოს მასშტაბით იმართება. ყოველწლიურად 188 ქვეყანა კიდევ ერთხელ შეახსენებს საზოგადოებას წითელი ჯვრის ისტორიას, როლს, მნიშვნელობასა და ფუძემდებლურ პრინციპებს.