"ტავ ჯორჯია"-მ თბილისის საერთაშორისო აეროპორტის ტერიტორიაზე ახალი ინვესტიცია განახორციელა

„ტავ ჯორჯია“-მ თბილისის საერთაშორისო აეროპორტის ტერიტორიაზე ახალი ინვესტიცია განახორციელა
თბილისისა და ბათუმის საერთაშორისო აეროპორტების ოპერატორმა კომპანია „ტავ ჯორჯიამ“, თბილისის აეროპორტის მიმდებარე ტერიტორიაზე მორიგი ინვესტიცია განახორციელა. ტერმინალის მარჯვენა მხარეს, 3845 კვადრატული მეტრის ფართობზე, ახალი ავტოსადგომი აშენდა, რომელიც დამატებით 192 მანქანას მოემსახურება.
ბოლო წლებში, თბილისის საერთაშორისო აეროპორტში მომატებული მგავრთა ნაკადის გამო (2011 წელს თბილისის აეროპორტი 29 %-ით მეტ მგზავრს მოემსახურა, წინა წელთან შედარებით), ძირითადი ავტოსადგომი, რომელიც 370 ავტომანქანას იტევს, პიკის საათებში გადატვირთული იყო. სწორედ ამიტომ „ტავ ჯორჯიამ“ ავტოსადგომის გაფართოება გადაწყვიტა.
„საქართველოში ჩამოსული მგზავრებისა და ტურისტების რაოდენობა ყოველთვიურად საგრძნობლად იზრდება, ამიტომ აეროპორტში არსებული ავტოსადგომი ყველა მომხმარებელს ვეღარ აკმაყოფილებდა. 3 თვეში, ჩვენ ახალი ავტოსადგომი ავაშენეთ, რომელიც მაღალტექნოლოგიური სისტემით არის აღჭურვილი და ყველა თანამედროვე სტანდარტს შეესაბამება. „ტავ ჯორჯიას“ მიერ განხორციელებული ეს ინვესტიცია, ახალი სამუშაო ადგილების შექმნასა და მეტი ადამიანების დასაქმებას ითვალისწინებს, რასაც ჩვენი კომპანია ყოველთვის მიესალმება“ -განაცხადა „ტავ ჯორჯიას“ გენერალურმა მენეჯერმა მეთე ერქალმა.
განახლებულ ავტოსადგომს 2 შესასვლელი და 2 გასასვლელი აქვს. ელექტრონული ბარიერის გავლისას მომხმარებელი მომსახურების საფასურს, სპეციალურ ჯიხურში გადაიხდის.