“ტავ ჯორჯია“ სტუდენტთა საზაფხულო დასაქმების პროგრამის ფარგლებში 7 სტუდენტს დაასაქმებს.

თბილისის საერთაშორისო აეროპორტის ოპერატორი კომპანია „ტავ ჯორჯია“ სტუდენტური დასაქმების პროგრამის ”Summer Job”-ის ფარგლლებში 7 სტუდენტს დაასაქმებს. სტუდენტები 2012 წლის 20 ივლისიდან 20 აგვისტოს ჩათვლით, აეროპორტში სხვადასხვა დეპარტამენტებში გაივლიან სტაჟირებას და კვალიფიკაციას აიმაღლებენ.

შეგახსენებთ, რომ საქართველოს პრეზიდენტის მიერ ინიცირებული სტუდენტთა საზაფხულო დასაქმების პროგრამა ”Summer Job”-ს, წელს პირველად ხორციელდება. პროექტი ზაფხულის არდადეგების პერიოდში, საქართველოს მთელ ტერიტორიაზე ოცდახუთი ათასი სტუდენტის დასაქმდებას ითვალისწინებს და მასში მონაწილეობა საქართველოში ავტორიზებული უნივერსიტეტების ბაკალავრიატის სტუდენტებს შეუძლიათ. პროექტის ფარგლებში დასაქმებული სტუდენტები ხელფასის სახით, 500 ლარს მიიღებენ.