თბილისის საერთაშორისო აეროპორტი ავია ფორუმ “Routes CIS 2013”-ზე ჯილდოს მფლობელი გახდა

21-23 ივლისს, უკრაინაში ქალაქ დონეცკში გამართულ საერთაშორისო ავიაფორუმ “Routes CIS 2013”-ზე თბილისის საერთაშორისო აეროპორტმა მორიგ წარმატებას მიაღწია და ერთ-ერთ ნომინაციაში გამარჯვებული გახდა. მსოფლიოში წამყვანი ავიაკომპანიების წარმომადგენლებისაგან დაკომპლექტებულმა, მაღალკვალიფიციურმა ჟიურიმ თბილისის აეროპორტს ამჯერად ჯილდო მარკეტინგული კუთხით მიანიჭა, ნომინაციაში - „ყველაზე რეკომენდებული აეროპორტი დსთ-ს ქვეყნებში“. “ტავ ჯორჯიას“ სახელით მინდა მადლობა გადავუხადო ყველა იმ ავიაკომპანიას, რომელმაც კენჭისყრის დროს, სწორედ ჩვენს აეროპორტს მისცა ხმა. ეს ჯილდო ხაზს უსვამს თბილისის აეროპორტის თითოეული თანამშრომელის ძალისხმევას, რომელიც მათ აეროპორტის განვითარებაში ჩადეს. ამ პრესტიჟული ჯილდოს მიღება ნამდვილად სასიამოვნო სიურპრიზი იყო ჩვენთვის“- განაცხადა „ტავ ჯორჯიას“ გენერალურმა მენეჯერმა მეთე ერქალმა. ავიაფორუმი “Routes CIS 2013” ტრადიციულად აეროპორტების, ავიაგადამზიდავების, ინვესტორების და საავიაციო მომსახურების სფეროს წარმოადგენლების საქმიანი შეხვედრებისთვის, ყოველწლიურად იმართება. ფორუმის ფარგლებში ორგანიზატორები სხვადასხვა სახის სემინარებს, პრეზენტაციებს და ავია ექსპერტებთან შეხვედრებს აწყობენ.