ukrainian-air-company-utair-ukraine-airline-perform-the-first-flight-ge

26 ივლისს, გამთენიისას, ავიაგადამზიდმა “UTair-Ukraine Airline” - მა თბილისი-დონეცკის მიმართულებით პირველი რეგულარული რეისი შეასრულა. ამიერიდან, „UTair Ukraine“- ი თბილისის საერთაშორისო აერპორტსა და დონეცკის საერთაშორისო აეროპორტს შორის ფრენებს, კვირაში ორჯერ, ხუთშაბათსა და კვირას შეასრულებს. პირდაპირი ავიარეისები თბილისიდან-დონეცკში, თბილისის დროით, 02:50 საათზე შესრულდება. უკრაინული ავიაკომპანია ფრენებს CRJ-200 და ATR-72 ტიპის საჰაერო ხომალდებით შეასრულებს.

„მოხარულები ვართ, რომ თბილისის მიმართულებით კიდევ ერთი უკრაინული ავიაკომპანია „UTair Ukraine“ რეგულარულ ფრენებს შეასრულებს. ჩვენ ვიმედოვნებთ, რომ ახალი რეისების დამატებით, საქართველოსა და უკრაინას შორის მეგობრული ურთიერთობის კიდევ უფრო ხელშეწყობას შევძლებთ.
თითოეული ახალი კომპანიის ქართულ ავიაბაზარზე შემოსვლა, კიდევ ერთი ნათელი მაგალითია იმისა, თუ როგორ ვითარდება საქართველოში ტურისტული და საავიაციო სექტორი - განაცხადა „ტავ ჯორჯია“-ს გენერალურმა მენეჯერმა მეთე ერქალმა.

„UTair Ukraine“ - უკრაინული ავიაკომპანიაა, რომელიც სამოქალაქო რეგულარულ და ჩარტერულ გადაზიდვებს უკრაინის ტერიტორიაზე ახორციელებს. მისი თანამედროვე ავიაპარკი 11 თვითმფრინავისგან შედგება. „UTair Ukraine“ - რუსული ავიაკომპანია „UTair“ - ის შვილობილი კომპანიაა.

თბილისის საერთაშორისო აეროპორტში „UTair Ukraine“-ის პირველი რეისის ჩამოფრენასთან დაკავშირებით, საზეიმო მიღება გაიმართა, რომელსაც „ტავ ჯორჯია“ - ს მენეჯმენტი, „UTair Ukraine“ -ის წარმომადგენლები საქართველოში და სხვა საპატიო სტუმრები დაესწრნენ.